Plantun de Prouvènço

Pèr coumpara dos planto d'encò nostre

Bartsia alpina & Abies pinsapo

Bartsia alpina

Orobanchaceae Scrophulariaceae

Nom en français : Bartsie des Alpes.

Descripcioun :
Planto poulideto emé si flour vióuleto que s'atrovo dins li relarg umido de mountagno. A uno cambo carado e peludo. I'a pas de proublèmo pèr la determinacioun, sufis pamens de pensa à la bono famiho (Orobanchaceae) que la flour ramento bèn. Es uno planto à mita parasito.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 25 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Bartsia
Famiho : Orobanchaceae
Famiho classico : Scrophulariaceae

Coulour de la flour : Vióuleto
Petalo : irreguliero
Ø (o loungour) flour : 2 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Pelouso umido - Prado umido
Estànci : Mountagnard à Aupen
Couroulougi : Bourealo
Ref. sc. : Bartsia alpina L., 1753

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.